- kl. 15.09
Garðar: Á siglingu í svartaþoku í nótt
Í gær var óskað eftir aðstoð björgunarsveitarinnar Garðars við að ferja varahlut út í bát sem var við veiðar norðaustur af Grímsey. Lagði Jón Kjartansson af stað úr höfn kl 21.35. Ferðin sóttist vel og vorum við komnir að bátnum klukkutíma og korteri síðar. Stutt stopp var gert við bátinn þar sem við tönkuðum okkar bát fyrir heimferðina. Svarta myrkur og þoka sótti á okkur á heimferðinni en gott var í sjóinn.
>> meira

- kl. 16.10
Viðgerð á hitaveitustofnlögn gengur vel
Viðgerð á hitaveitustofnlögn undir Búðarárbrú gengur vel, að sögn Guðrúnar Erlu Jónsdóttur hjá Orkuveitunni. Starfsmenn Orkuveitunnar og vélsmiðjunnar Gríms hafa unnið í allan dag að því að taka sundur laskað rör og setja upp ný. Tveimur nýjum rörum þarf að koma fyrir, festa og sjóða saman. Núna er verið að setja upp seinna rörið og eru líkur til þess að vatn komi aftur á um klukkan 19 í kvöld.
>> meira

- kl. 16.03
Líf og fjör á Eimskipsmótinu í gær
Það tókst að halda Eimskipsmótið í annarri tilraun í gær, en mótinu hafði verið frestað um viku vegn slagviðris á Húsavík. Í gær viðraði hinsvegar forkunnarvel til knattspyrnuleikja og ungviðið lék við hvurn sinn fingur og allar tær. Mörg lið mættu til leiks, auk Völsunga, tilþrifin voru gríðarleg og leikgleðin við völd utan vallar sem innan. Í mótslok voru grillaðar pylsur fyrir alla í boði Norðlenska og Heimabakarís og þátttakendur fengu gjöf frá VÍS.
>> meira

- kl. 13.21
Opna GPG saltfiskmótið í golfi
Opna saltfiskmót GPG í golfi var haldið á Katlavelli um helgina. Frekar fáir gestir mættu að þessu sinni en þeir sem mættu fengu flott veður, glæsilegan völl og góða fiskisúpu. GPG gaf verðlaunin og fengu allir verðlaunahafar flottan saltfisk ásamt gjafabréfi. Heimamenn röðuðu sér í efstu sætin, Arnþór var 2 undir fyrir 17 holuna en fékk skolla á 17 og 18 svo að vallarmetið stendur enn. Úrslit í Opna GPG mótinu:
>> meira

- kl. 14.27
Réttað á Baldursheimsrétt í dag
Fyrsti réttardagur í Þingeyjarsýslu og raunar á landinu er í dag, sunnudag, en í morgun var réttað í Baldursheimsrétt í Mývatnssveit. Baldursheimsrétt er vel skipulagt mannvirki, steinsteypt, byggt 1934 og stendur vel enn þann dag í dag en féð er orðið afskaplega fátt sem rekið er til réttar.
>> meira

- kl. 14.13
Viðgerð á hitaveitustofnæð hefst á mánudag
Á morgun, mánudaginn 30. ágúst n.k. verður gert við hitaveitustofnæðina inn í bæinn, en lögnin skemmdist á dögunum þar sem hún liggur undir brúnni yfir Búðarárgil og hefur vegurinn um gilið verið lokaður síðan vegna leka úr rörinu. Þannig að síðustu daga hafa menn ekki “farið gilið” sem jafnan hefur þótt skynsamlegt á Húsavík! Heitt vatn verður tekið af kl. 8:30 og verður vatnslaust fram eftir degi.
>> meira

- kl. 14.22
Hildur komin heim frá Grænlandi
Skonnortan Hildur sigldi inn í Húsavíkurhöfn um hádegisbilið eftir afar vel heppnaðan leiðangur til Grænlands. Þátttakendur í ferðinni voru skonnortuáhafnir Norðursiglingar og voru sumir með allan tíman en öðrum var skipt út. Leiðangursstjóri var Heimir Harðarson. Dagana í Grænlandi var siglt um Scoresbysund, lengsta fjörð í heimi.
>> meira